Nordpå-Tynnøl

Garden heiter Nordpå-Tynnøl, og er ein gjennomsnittleg norsk gard. Vi produserer ca 160 tonn mjølk og 7-8 tonn storfekjøtt i året. Til ei kvar tid er det 20-25 mjølkekyr og 50 andre storfe på garden. Vi har ein katt, Tasse, som er flink til å fange mus. I tillegg hender det at vi har andre dyr på garden, som gris, lam eller høner. Vi, Marit og Espen, har drivi garden sidan 1997, da vi tok over etter faren til Marit. Vi har tre born: Trond (f. 1999), Tora (f. 2001) og Svein (f. 2004).

Vi er begge utdanna naturforvaltarar frå Norges landbrukshøgskole. Før vi tok over garden, reiste vi ein del i Europa, Afrika og Latin-Amerika. Vi har rodd heile Norskekysten. Men alt dette skjedde for lenge sidan…

No gjer garden og borna at vi beveger oss i mindre sirklar. Vi ønsker difor at verda kjem til oss – så anten du er frå Tromsø, Rauland, Norrköping eller Valby:

Velkommen til Lesja!